डिभी-२०१४ सम्बन्धी पुर्ण जानकारीको लागी नेपाली भाषामा तयार गरिएको यो निर्देशिका पढ्नुहोस ।गत बुधवार काठमाण्डौ स्थीत अमेरिकी नियोगको सार्वजनिक अनलाईन साक्ष्यातकार कार्यक्रममा नियोगका जिम्वेवार अधिकारीले यस कार्यक्रममा सहभागी हुन चाहनेले वेबसाईटमा दिईएका निर्देशिकाहरु राम्रो सँग अध्यन गरेर आफै अनलाईन फारम भर्न सुझाव दिईएका छन । लोटरीको आधिकारीक वेबसाईटमा नेपाली भाषामा तयार गरीएको यो प्रकृया सँग सम्बन्धीत पच्चीस पृष्ठ लामो निर्देशिका राखीएको छ । निर्देशिकाको अध्ययन बाट डिभी प्रक्रियामा सामेल हुनको लागि आवश्यक न्युनतम योग्यता देखी फोटोको बारेमा जानकारी पाउन सकिन्छ ।
आवेदनमा आफ्नो पति वा पत्नी तथा २१ वर्ष भन्दा कम उमेरका सबै जीवित प्राकृतिक सन्तानको नाम, जन्ममिति र जन्म स्थान समावेश गरिएको हुनुपर्दछ र (निर्देशिकामा उल्लेख भए अनुसार) उल्लेखित सबै ब्यक्तिहरुको फोटो समावेश गर्नु पर्दछ । भिसा प्राप्त गर्दाको अवश्थामा अवश्थामा भर्खरै २१ वर्ष पार गरेको भए नि विषेश अवश्था मानी निजलाई अभिवावकको संरक्षकत्वमा रहेको सन्तान मानी लैजान सकिने भएको हुनाले आवेदन गर्दा २१ वर्ष नपुगी सकेको भए निजको पनि बिबरण पेश गर्नु उपयुक्त हुन्छ ।
अमेरिकी आप्रवासन कानून र नियम अनुसार हरेक डाइभर्सिटी भिसाका आवेदकसँग कम्तीमा माध्यमिक विद्यालयस्तरको शिक्षा वा त्यसको समानार्थ शिक्षा वा विगत पाँच वर्षमा दुई वर्षको कामको अनुभव हुनुपर्दछ । दुई वर्षको काम भन्नाले त्यस्तो काम जसको लागि कम्तीमा दुई वर्षको तालिम वा अनुभव आवश्यक पर्दछ भन्ने बुझिन्छ भने विद्यालयस्तरको शिक्षा भन्नाले नेपाल बाट प्लस टु वा प्रविणता प्रमाणपत्र तह उतिर्ण गरेको भन्ने बुझिन्छ । उपयुक्त माध्यमिक तहको शैक्षिक योग्यता नपुगेको खण्डमा दुई वर्षको कामको अनुभवको आधारमा आवेदन दिन चाहनेहरुले अमेरिकी सरकारको यस कार्यक्रममा कस्ता कामलाई मान्यता दिएको छ भन्ने जानकारी वानटुअनलाईन डट ओआरजी मा गएर जानकारी लिन उपयुक्त हुन्छ ।
हरेक क्षेत्रबाट प्राप्त आवेदनहरूलाई अलग अलग रुपमा संख्याकृत गरिन्छ र दर्ता अवधिको अन्त्यमा हरेक भौगोलिक क्षेत्रबाट प्राप्त आवेदनहरूलाई कम्प्युटरले विनाक्रमबद्ध रुपमा छनौट गर्दछ । डिभी-२०१४ को प्रकृयामा छनौट भए नभएको जानकारी सन २०१३ मे १ देखि डिभीलटरी डट स्टेट डट जिओभी मा गएर आफुले आवदेन दिदाको बखतमा प्राप्त गरेको कन्फरमेशन नम्बर हालेर पत्ता लगाउन सक्नुहुनेछ । त्यसमा आफ्नो आवेदनको प्रक्रिया कसरी अगाडि बढाउने भन्ने बारे निर्देशन दिइएको हुन्छ र आप्रवासी भिसा अन्तर्वार्ताका लागि तपाईंको समय समेत दिइएको हुन्छ । त्यसकारण तपाईंले आफ्नो कन्फर्मेशन नम्बर सुरक्षित राख्न अत्यावश्यक छ ।
यो लेख मिती २०६९ असोज २१ गतेको ब्लाष्ट दैनिकमा प्रकाशित भएको थियो ।